Voss gymnas ynskjer alle føresette velkomne til føredrag onsdag 29. januar kl. 18.00 i Gymnashallen. Etterpå vert det møte for foreldre/føresette til elevar på Vg1.
Same dag arrangerer skulen ein temadag for elevane. Før lunsj vert det eit felles føredrag for alle elevane med Marco Elsafadi. Marco vil snakka med elevane om det å ta gode val for seg sjølv og andre i ei tid der tilgangen på ulovlege rusmiddel er aukande, og der mange opplever at bruk og omgang med slike rusmiddel er synleg i sosiale medium.
Me ynskjer at føresette skal få høyre delar av det same føredraget, slik at ein har eit felles grunnlag for samtale om tematikken.
Kl. 18.00-19.00: Føredrag med Marco Elsafadi i Gymnashallen.
(Informasjon om Marco finn du på https://marco.no/marco-elsafadi/)
Kl. 19.15-19.45: Informasjon om vg1-klassane med kontaktlærar.
Kl. 19.45-21.00: Høve til konferansetid med faglærar etter påmelding (for føresette på vg1).
Påmelding til konferansetid:
For at me skal kunne legga best mogeleg til rette for konferansetid med faglærar, treng me oversikt over kven som ynskjer konferansetid og kven føresette ynskjer å snakka med.
Send ein e-post til: post.vgy@vlfk.no innan 20. januar der fylgjande opplysningar er med:
Klasse:
Elevnamn:
Namn og tal på føresette som kjem:
Namn på faglærar ein ynskjer å snakke med:
Me ynskjer godt samarbeid med føresette og at de vert godt kjende med skulen og våre tilsette.
Det er få parkeringsplassar på skulen. Parker gjerne i parkeringshuset Vossapark.
Vel møtt!