Utstillinga «Frå hav til himmel» har opning 23.01.25 kl. 17-18 i Voss kulturhus, med talar, band og dansenummer.
Utstillinga er i samarbeid med KDA elevane/Voss gymnas og Voss kulturhus.
Om utstillinga:
Utstillinga inviterer deg til å reflektere over temaet berekraft og vår sårbarheit i møte med ei verd i endring. Gjennom eit mangfald av uttrykk utforskar verka korleis klimaendringane påverkar oss – frå sterke kjenslemessige reaksjonar til handlingslamming. Nokre verk belyser dei konkrete konsekvensane av global oppvarming, medan andre skapar rom for håp, illusjonar og draumar om ei anna framtid.
Korleis kan vi som individ og samfunn finne meining og handlekraft i møte med ei krise som truar sjølve livsgrunnlaget?