Dersom du er over 19 år og ikkje har fullført vidaregåande utdanning før, har du rett til vaksenopplæring og kan få tilbod om gratis opplæring. Andre kan også søkje og kan få tilbod om opplæring dersom det er ledige plassar.
Voss gymnas tilbyr vidaregåande utdanning for vaksne. I 2026/2027 tilbyr vi studiekompetansefag over to år og vg1-3 helse- og oppvekstfag til helsefagarbeidar.
Ynskjer du opptak til vaksenopplæring for 2026/2027?
Søk om plass på vigo.no før 1. mars
For å studere ved universitet eller høgskule treng du generell studiekompetanse. Vi tilbyr dei seks faga du treng for å oppnå generell studiekompetanse: norsk, engelsk, matematikk, naturfag, historie og samfunnsfag. Voss gymnas tilbyr dei seks faga over to år. Undervisning vil vere på tysdagar og torsdagar.
Du kan søkje opplæring i eitt eller fleire fag.
Undervisning og læremiddel er gratis for alle som får plass.
Skuleåret 2025/26 er det undervisning i: matematikk og norsk.
Skuleåret 2026/27 er det undervisning i: engelsk, historie, naturfag og samfunnskunnskap.
Utdanninga går over to år.
Du registrerer søknaden din i vigo.no
Ta gjerne kontakt med rettleiingstenesta indre Vestland, dersom du har spørsmål om søknadsprosess og/eller studieval.
Liste over alle fagtilbod i Vestland finn du her
Vi tilbyr vg1-3 Helse- og oppvekstfag til helsefagarbeidar - modulstrukturert opplæring.
Utdanninga er på deltid og tilrettelagt for vaksne som ønskjer å kombinere jobb og utdanning. Du får opplæring i programfaga og fellesfaga.
Søkjarar med vaksenrett vert prioritert ved inntak, men alle kan søkje.
Du registrerer søknaden din i vigo.no
Har du erfaring frå eit yrke? Du kan ta fagbrev som praksiskandidat eller fagbrev på jobb.
Vaksne kan søkje om vidaregåande utdanning og realkompetansevurdering.